Leider gids au i dem Jahr keis grosses Mittifaschtefüür, s’Corona verhinderet das au hür. Damit die alte Christbäum aber ned es ganzes Jahr müend umestah, sell die Sach jetzt jede selbstständig aga. Nähmed en Garteschär i d’Händ und fanged une a, bis de Christbaum kei Äst meh dra tued ha. Denn möched ihr im Garte oder Cheminee, es isch kei Scherz, es privats Mittifaschtefüür am Abig vom 13. März. So tued leider ä kei grosse Huufä bränne, es isch en Gruus, aber vieli chlini Füür mached am Winter sicher au de Gar us.

Au d’GV düend mir verschiebä uf besseri Ziitä, mir mälded üs bi üch, wenn mir sie imene gwohnte Rahme chönd bestriitä.

Bliibed gsund und bliibed dra, mir tönd wiiterhin „Mit Abstand zämestah“.

„Stür, Stür, Stür zumene Mittifaschtefüür, Studä oder Strau, alti Wy… nachtsbäum nämmer au!„

Ä chlini meischt digitali Fasnacht händ mir döfe gnüsse, leider ohni grossem Güsse. Mir hoffed, das im Jahr 2022 wieder en „normali“ Fasnacht möglich isch und mir wieder zäme chönd hocke amene Beizetisch. Bis die Ziit chund, bliibed gsund.

Allnä wo zu de hürige Fasnacht öpis biitreid händ, säged mir herzlich DANKE und klatsched wehemänd. Uf das was möglich gsi isch chönd mir si stolz, mir Legore sind halt eifach us bsundrigem Holz.

Wer no chli wet in Erinnerigä schwelgä, chan uf üsem Youtube Kanal gseh diversi Filmheldä.